Benvenuto/a Giò

Caro amico/a forumista, la sezione PROVINCIE SICILIANE è a dir poco ABBANDONATA :-(( ... eppure sotto le festività natalizie, le città si rinnovano, si organizzano mostre d'Arte, manifestazioni varie, alcuni sindaci optano per le "notti bianche" ... il fatto che io abbia nominato un forumista (tra coloro più presenti della provincia) come coordinatore, non vuol dire che nessuno di voi possa prendere l'iniziativa di condividere con noi ciò che avviene nella sua città ... vuoi raccontarci tu, dunque? Immagino che avrai un gruppo di amici dell'arte o della poesia con cui ti frequenti? Ce ne parli nella sezione appropriata? Un grosso GRAZIE ...

Miiiihhh!
A mmia, nominasti?
Graziassà, Flaviuzza, ca “nominatio non petita, sdilinquiscio manifesta”.
Epperò, quel lupicuvio che c’è in me, mi spinge e mi costringe, di ribùffito, a una suttaliniatura esplicativamenti chiarificanti, ca evidenzia, l’essiri miu, stranu a tutti li manifestazioni (si dici, siculamenti, “sulità, santità”, e iu, ca sugnu già ntramatu a ssicutari la biatitudini, a jùnciri a santu mi ci manca ormamai picca e nnenti).
Epperciò, chi ti pozzu cuntari, cara Flavia, ca l’unichi “notti bianchi” di sti gnunati sunnu quannu la manciata n’arresta supra la panza.
Dici: “Ma conu, mancu pi Natali?”
Signurnò, mancu pi Narali.
Ca poi, Natali, capudannu, pifanì, su’ sempri diciannovi sordi cu na lira.
Certu, gira ca ti gira, alla fine, la dolce atmosfera nataligna sbùmmica.
Ma prima ca sbùmmica, puru Natali è, pi mmia, grande camurrìa.
Inveci, donna Ciccina, mugghieri di don Totò, stamatina ricivìu la visita di cummari Pinè, e iu mi scutai tutti li discursa.
Putiva mai, iu, perdiri sta casioni di rigistrari?
Naaaaaaaaaaaaaaaaaaaaaaaaaaaa
E allura, nun putennu condividiri autru, cundividu stu cuntu natalignu.

Prisepio
I
Chi ssi moddu, Totò, smòviti l'ossa!
Lu dissi ch'era ancora menzagustu!
La scagghiola, ti dissi, la chiù grossa
ca nel prisepio ci arrisalta giustu
e la stratella veni chiù latina
do Bammineddu ‘nfinu a chi camina.
II
Il lippo ce l'abbiamo d'oggiallannu,
si nun ci abbasta, si ci fa na junta
cu na pezza di tò, chissi di pannu,
chissi chi quantappena si ci 'nfrunta
si stràzzanu, chissi chi t'accattasti
e ti 'nfrusanu senza mancu rasti.
III
Talìa, San Giusippuzzu senza testa!
Disgraziato, ma como l'hai sarvato
quannu smuntasti! Certu, a farla lesta,
di cursa ca parivi assicutato…
ma non mi pozzo privaliri mai,
cara cummari, ancora e sempri guai.
IV
Quanno non si li fa la suttascritta
su' ssulu botti d'àcitu e d'abbili,
ma poi, comu si po', càdiri a dritta
ristannu a caputrumma dei cchiù vvili,
comu m'arriniscì, pi dirla chiara,
un beddu spicchiu di mènnula amara.
V
Biata lei, cara cummari mia,
ca nun s'ha maritatu in gioventù,
s'ha risparmiatu tanta camorrìa
ca in cunvivenza, chissu e bbastacchiù.
Certu, ppi figghi, si, quannu su' bboni,
ma puru chissi su' proccupazioni.
VI
S'arricàmpanu sempri, si è pi chissu,
no sulu quannu ciànu di bbisogno.
Ppi festi, e chi addumànnanu, pirmissu?
Iu restu nna cucina e non mi scogno
e loro, tutti pi conforma su'
sempri a salottu a fari ciù-ciù-ciù.
VII
Spetta, Totò, mentri ca fai stu viaggiu,
la pècura e l'agneddu, e chi ti cuntu,
talìa socchi c'è ccà, ci vo' coraggiu
propriu farli arridùcere a stu puntu,
ma taliasse, cummà, chi grandi 'ngigno,
pi gamma ciànno il pròspero di ligno.
VIII
Non furra pei carusi, si, commare,
setti niputi setti, na tribbù,
su iddi, ca mi fanu trafichiare
finu a quannu Signuri bonucchiù.
L'amuri del prisepio grande assai
di mia si lu pigghianu. E quando mai!
IX
Quell'àlbero mi appare scunchiuduto,
tutti ddi palli, e chi mi rappresenta?
Pari nun sacciu chi, poi, quanto ascuto
mi cunvincìu ca pigghia comu menta
pirchì 'sti cosi nòrdichi e brillanti
piàcino puru quannu su' vacanti. X
Inveci col prisepio è un'altra cosa, mancu Natali senza mi parissi, cussì, cu ssi niputi e la za Rosa ca gira chi ti gira, già li stissi, ni mintemu puliti na jurnata
e conziamo sta grandi tavulata. XI
Adarmiamo un macello, eppoi cchi vvuci: "No, l'angiuliddu devi stari sutta" "Cca mèttici un re maggiu sutta luci" "Lèvila, sta quarèsima, chi è rutta" Nzumma, cummà, schifìu supra schifìu, però sapissi quantu m'arricrìu. XII
Eppoi lo guardo cento voti al giorno, giustu qualcosa, sfilo un Paternostro, tardu tanticchia e dopo ci arritorno, cu veni veni, grapo e ce lo ammostro si, propriu l'atmosfera tali e quali ca ti fa diri: E' beddu, stu Natali, XIII
ca nonostanti tuttu è di bontà co' Signuruzzu ca ni veni a trova, e sai ca pi nautrànnu tornerà puru si qualchedunu chianta chiova, e ti rinventi ca nun fussi mali
si tutti i jorna fùrranu Natali.
XIV
Eh si, cara cummari, è propriu beddu, la sira cu dda casa bedda china. A menzanotti, a postu u Bammineddu, tutti pari a la Missa ca si 'mbrina, turnannu menzi trunzi e menzi cotti, nni facemu l'auguri e buonanotti. XV
E i carusi curcati a massarìa,
nsocchi s'adarma lei se l'affigura, poi, dopo il pranzo, sempri cca ni mìa, ni salutamu; "Ciau" - "Sa' duna accura" Ci dobbiamo avvedere un po’ più spesso. e già si penza al capudanno appresso.
Giovanni Piazza

non ho capito molto ... non si può fare un sunto in italiano?

Un sunto taliano?
A mmìa?
Mi si sfruculìa col sunto taliano?
AAAAAAAAAAAAAHHHHHHHHHHHHHHHHH
Lauraaaaaaaaaaaaaaaaaaaaaaa
E ringrazia ca si calabrisa, e ca quindi io ti apperdono per questo.
Epperò, cara calabrisella mia, guarda che hai arrischiato veramente assà, perché il grande Giò (grande pirchì, purtroppo, nunn’è cchiù caruso), nella sua folle magnificenzia, si la putiva pinzari e arrisponderti puro in cirillico.
E cunsidaratu ca Giò il cirillico non lo ha mai canosciuto, figurati cusà chi ci putiva esseri scrivuto, in quella cirillica risposta.
Evvabbè, facemu finta ca la svicinanza reggionali, senza lu ponti, non permette ricanoscenza immediata e ca il tuo non capire è ampiamente giustificato dalla demenzialità di Giò.
E allura sicutamu.
Sunto taliano vuoi e sunto taliano sia (e poi dici ca Giò, alla faccia di quel disgraziato di Garibaldi, è unitariamenti stiticu).
Flavia dice a Giò che la sezione provinciale è spoglia e, cu stu friddu, una sezione troppo spoglia s’arrifridda.
E vorrebbe raccontata qualche qualunqueria culturale e provinciale.
Ma Giò le risponde che il suo (suo di Giò) carattere da lupo solitario (lupicuvio in siculo, ma forsi puro in calabrese) non lo proietta facilmente in pubbliche manifestazioni.
Manifestazioni, peraltro, che in provincia sono veramente poche (le sole notti bianche, in zona, sono quando la manciata n’arresta sulla panza).
E che per lui (lui di Giò), tutte le feste sono simili e fastidiosamente inutili (19 sordi cu na lira vuol dire che sono quasi la stessa cosa).
E che l’unica novità, in tema natalizio, è la discussione di una comare che racconta della inutilità del marito e della imperativa volontà di celebrare il Natale in maniera tradizionale.
La poesia non posso tradurla, perché perderebbe l’endecasillabo e gli accenti e la rima, ma l’arrivo di qualchi cusuzza duci o, megghiu ancora, supprissatamenti simpatica, putissi puru farmi cambiare idea .
Fine tradotta.
Ciao, Laura.
Un abbraccio siculo
Giò

p.s. stu suntu mi pare cchiù cunfusu del primo, ma sono a casa con la nfluenzia, epperciò ...

p.p.s. riciao

Caro Giò sei davvero un 'personaggio fantastico' travolgente come un uragano tempestoso :-))

poichè dopo che ti leggo mi viene di parlare in Giò-iese o Giò-ietano (comu ti piaci chiù àssai!)

e ti parìa chi nta la discurruta pi' Laura non ci facivi nesciri 'a battutedda pi' lu ponti? :-))



Giò 'a vita 'ccumincia nta la vicchiaia ... pirchì prima ci su li pinzeri ... fatti passari 'a 'nfluenza ... e

senti a mia ...
fatti li to' sirati bravi
'nt'alligrìa ...

Flaviù,
tu ca sì di Missina, di na punta all’autra punta, la vidi a Laura ca sta a Reggiu Calabbria?
Ca nun c’è mancu lu ponti nti lu menzu, ca ti putissi mpediri la visuali?
Eccu, si la stravidi, fammi la raccumannazioni sorridenti, pirchì non vulissi ca Laura si siddiassi pi la troppa cunfidenza ca mi pigghiai.

Grazie della fantasticheria ca bonariamente mi attribuisci, cara Flavia , e simmai la supprissata si materializzassi, stanni certa ca ni giuvassi tutta la cumpagnia .
Epperò, nun c’è ponti ca teni, Flavia, pirchì, e te lo dico taliano pi farlu chiaru a cujegghiè, il riuscire reciprocamente ad accarezzarsi l’anima con un sorriso può veramente consentirci di cominciare a vivere a qualunque età.
E di continuare a vivere nonostante la vita.
E ccà mi fermu, ca quannu parlu troppu seriu mi smovi la fami e debbo andare a spizzicuniare qualcosa .
Buona serata a ttia e a tutta la cumpagnia.

attentu a lu culistiroluuuuuuuuuuuuuuuuu....

Ah ah ah ... grazie Giò, sei simpaticissimo, ma , cos'hai spizzicunìato?

Bohh ... speriamo che era qualcosa di buono

E mancu jò...Flavia riccillu a Giò.
Jò un nu lassai mai, iddu lassau a mia
chissa si ch'è camurria.... o macari è 'na poesia

Ma carissime ragazze, ma i personaggi delle mie sconclusionaggini parlano sempre in prima persona, ma questo non vuol certo dire che ciò che affermano è da me condiviso.
Essennò, chi dipinge angeli deve necessariamente essere un religioso?
E chi dipinge nudi, allora?
La fimmina, una camurria...
seeeeeeeeeeeeeeeeeeeeeee
quella, la fimmina, è quel "grazie di esistere" del quale i masculiddi non finiranno mai di ringraziare il cielo e vasari 'nterra.
Anche se, a volte, la moglie, quella sì (ma mai comu fimmina), può addiventare camurria (sì sì, certo, anche il marito).

Lo so, Paola, ca ti lassai
ma lu chiffari mi spinse e mi costrinse ad altri lidi e m'eppi a cunzignari a l'impegnativu.
Anche se ho continuato a leggere ed a raccogliere


quei metrici richiami
che come uno tsunami
sconvolgon l'esser mio ch'è signorino.

Si Signurinu ... ma che c'azzecca cu lu cunvegnu di li peluritani?

Dove ti sposto adesso??? .... Ummhhh

E Flaviù, e sta a guardà il capello .
Ecco, hai visto ca mi spostasti?
Ed io non protestai nè purmuniai?
E che se non c'azzeccava llà, cca ci sta che è na meraviglia?
Vabbè, adesso ti saluto, che è già domani, ed io domani, che sarebbe oggi, debbo andare a lavurà.
E con questo intreccio di ieri, oggi e domani, ti sarai resa conto dello stato confusionale nel quale galleggio senza difficoltà alcuna.
Notte

giò ha scritto:E Flaviù, e sta a guardà il capello .
Ecco, hai visto ca mi spostasti?
Ed io non protestai nè purmuniai?
E che se non c'azzeccava llà, cca ci sta che è na meraviglia?
Vabbè, adesso ti saluto, che è già domani, ed io domani, che sarebbe oggi, debbo andare a lavurà.
E con questo intreccio di ieri, oggi e domani, ti sarai resa conto dello stato confusionale nel quale galleggio senza difficoltà alcuna.
Notte

Giò ... ma che lavoro fai? E' dal marzo dello scorso anno che sei con noi e ancora non ce l'hai raccontato ... :-)

su ... dicci :-)))

Flavia Vizzari ha scritto:

giò ha scritto:E Flaviù, e sta a guardà il capello .
Ecco, hai visto ca mi spostasti?
Ed io non protestai nè purmuniai?
E che se non c'azzeccava llà, cca ci sta che è na meraviglia?
Vabbè, adesso ti saluto, che è già domani, ed io domani, che sarebbe oggi, debbo andare a lavurà.
E con questo intreccio di ieri, oggi e domani, ti sarai resa conto dello stato confusionale nel quale galleggio senza difficoltà alcuna.
Notte

Giò ... ma che lavoro fai? E' dal marzo dello scorso anno che sei con noi e ancora non ce l'hai raccontato ... :-)

su ... dicci :-)))

Per quanto riguarda la velocità di scorrimente degli ultimi argomenti vedrò se è possibile rallentarla ;o))

Giò sei già pronto per Sabato ?!? ... L'hai trovata la maglietta con Garibaldi? ...

Che io conosco ci sarà anche Giuseppe Li Voti, verrà in treno da Capo d'Orlando con Angelo Santaromita Villa ... li conosci? :-)

Ti ho inviato una email con i miei contatti :-)))

(non li fare squillare tutti assieme se no mi buttano fuori dal pulmino ... uhahhuhahhuaa)

Cara Flavia,
come ben sai, sono impedita a viaggiare e a prendere qualsiasi impegno, in questo momento. Auguro per sabato a te e a tutti i partecipanti al corteo tanto successo. Rileggendo questi messaggi mi è venuto spontaneo rispondere "per le rime" al nostro simpaticissimo Giò, sperando di fargli fare una bella risata come quelle che mi faccio io leggendo le sue, come le ha chiamate?...spiritosaggini....

U canusci?

Caro Giò,
nun ti preoccupari
si l'autra vota
m'avisti a lassari

Jò nun m'affennu
tu hai u' to chiffari
e certu nun poi stari
sempri ccá a babbiari

Eppoi cu na pensionata
chi nun pò cchiù travagghiari
e di Garibaldi...
un sapi propriu chi nni fari

Tu hai tanti 'mpegni
ti susi prestu o' matinu
macari fu pi' chissu
c'arristasti signurinu

Ma 'un ci fari casu
fu megghiu pi tia
accussì evitasti...
tanta camurria

Tu rici una
chi fici esperienza
e voli stari sula
cu' libertà di coscienza

E pi ultimu
ti l'aiu a diri felici
mi poi pigghiari
puru pi pazza

Sugnu cuntenta
d'aviri tanti amici
unu ri chissi è...
Giovanni Piazza

U canusci?

ciao ciao

E' bellissima Paola, di forma e contenuti ;o)))

Flavia Vizzari ha scritto:Giò sei già pronto per Sabato ?!? ... L'hai trovata la maglietta con Garibaldi? ...

Che io conosco ci sarà anche Giuseppe Li Voti, verrà in treno da Capo d'Orlando con Angelo Santaromita Villa ... li conosci? :-)

Ti ho inviato una email con i miei contatti :-)))

(non li fare squillare tutti assieme se no mi buttano fuori dal pulmino ... uhahhuhahhuaa)

Io sì, che sono pronto.
E pure la 'nfruenzia.
E non conosco nè Giuseppe nè Angelo, ma non importa, perchè poi ni canuscemu dda.
E spiramu ca ci sia na jurnata di sbummicata di suli, perchè le donzilli cell'ho ancora struntuliati e il cannarozzo sicco tussìa ca è una biddizza.
Mah, e comu veni si cunta, cara Flavia.
L'importanti sarìa ca la manifestazioniu arrinesci.
Epperò, non ti arrisicare a prisintàriti con la maglietta "noponte", ca la noponteria nun ci trasi niente, con la disgraziataggine garibbaldina e savujarda.
E non so se mi sono capito!
Ciao.

Paola Franco ha scritto:Cara Flavia,
come ben sai, sono impedita a viaggiare e a prendere qualsiasi impegno, in questo momento. Auguro per sabato a te e a tutti i partecipanti al corteo tanto successo. Rileggendo questi messaggi mi è venuto spontaneo rispondere "per le rime" al nostro simpaticissimo Giò, sperando di fargli fare una bella risata come quelle che mi faccio io leggendo le sue, come le ha chiamate?...spiritosaggini....

U canusci?

Caro Giò,
...
Sugnu cuntenta
d'aviri tanti amici
unu ri chissi è...
Giovanni Piazza

U canusci?

ciao ciao

Mancu iu m'offennu e sugnu signurinu
figùriti nzammà furra spusatu
si già mi susu a stentu, ogni matinu,
spusatu furra tunnu cunzumatu
pi quantu poi, a via di trallalleri,
cchiù cunzumata furra me' mugghieri.

Eh si, la camurria matrimuniali
è cosa certa e certu risaputa
ma chista mia, ca mai misi fadali,
è libertà tanticchia scunchiuduta
ca quannu appoi mi curcu e calu schinu
m'abbrazzu sempri e sulu co' cuscinu.

Ma poi mi addormo e tuttu allura sfuma
sulità, santità, Paoletta cara
pirchì la cunvivenza appoi cunzuma
e u picca duci sbùmmica all'amara,
mentri la nostra, singula e perfetta,
è la valenzia di la vita schetta.

Pi ultimu, scupa all'ultimu to',
ca nun ti pigghiarìa nummai pi pazza,
Giuvanni Piazza, ormai l'amicu Giò',
ti manna na vasata eppoi t'abbrazza
e ti ringrazia di sta cuntintizza
ca ne' to' versi sbùmmica e si 'ntrizza.

Grazie dei sorrisi, Paola.
E ti ci iunciu uno scorcio di convivenza che ho ascoltato e riscritto paru paru, spiando la coppia di la porta a latu.
Un'altra mia scempiaggine, va'.
Un abbraccio



Quando finisce, un amore?
E come può, un amore, riuscire tanto facilmente a trasformarsi in rancore e persino in odio?
Certo è, comunque, che la convivenza non aiuta, considerato che il conoscere
tutto, l'uno dell'altro, fa perdere gran parte della splendida puisia di quannu si metti manu.
E allora, su' guai.
Guerra
lei
Como vulcanu ca trimendo arrutta
terrìbbili sarà la mia vinnitta
ca ti assicuterà di supra e sutta
e ti arriducerà di panza stritta.
Guerra vulisti, e guerra sia di chiova,
trema, Pippinu, e sùchiti st'angiova!
lui
Oh fìmmina ignoranti, nun lo sai
ca l'angiova si licca e non si suca?
Ma tu, di colinaria, e quannu mai
si m'addubbasti a pàmpini e lattuca,
ca s'apparlasse, questa panza mia,
chiangìssiru li santi cu Maria.
lei
Ssu cori, t'ava chiàngiri, fitusu,
ca t'alloggiasti cu ssà cosa lorda,
ca la truvasti bedda e pronta all'usu
e t'appinnisti como sicchio e corda!
E a st'armuzza innuccenti che ci acconto
che suo patre si apperse all'orizzonto?
lui
Armuzza, annacatilla, a quarantanni!
Tantu l'arrovinasti, a questa figghia,
ca mancu San Pasquali e San Giuvanni.
Na stampa e na figura, t'assumigghia,
figghia accrisciuta mali e addivinuta
como a ssua matre, morta mpatidduta.
lei
Però sta morta nun ti dava 'mpacciu
quando 'ncugnavi a tipo manciaciume
e quando mi addicevi "nenti sacciu"
intantu t'allazzavi a quel quadume
ca paristi pigghiari un ternu o lottu,
e chi ti ciàva a fari, u pani cottu?
lui
Non bestimmiari, donna, il pani cotto
nel mio distino nun ci cumparisci,
ca tutta la putenzia del disotto
si manifesta attiva comu pisci
chi acchiana la currenti cchiù impituosa
e si non pungi, non si va riposa.
lei
Comu l'aùgghia, pungi, tali e quali
quella indolori ca mancu si senti,
pòviro illuso e testa senza sali
ca di la vita nun capisti nenti,
quella ti alliscia panza e suttapanza
pirchì ti va circannu la sustanza.
lui
E ci torna, co' pupu, e ci insistisci,
e siccompùru fussi virità
cu chidda acchianu ancora i mura lisci
e si mi va circannu proprietà
per intanto mi scialo di gazzosa
e a Cristu ci va' ccuntu quarchi cosa.
lei
Chi cià cuntari, ddà tutto ti sanno,
e Cristo un giorno ti arriceverà
solo per dirti: "Scecco, ti accondanno
pirchì la storia è sempri chista ccà:
cavulu vecchiu e brocculu sciurutu
tuttu nsocchi ci fai, sempri è pirdutu.
lui
Si, si, cundanna a mmia, nel paradiso
mi và sistema, con la chirca a disco,
e ddà, davanti a tutti, supramiso,
dirà: "Pòviru figghiu, ti accapisco,
megghiu ca la mugghieri bagascìa
chi avirla in sempiterna camurrìa."

Mi fici ‘namica


Mi fici ‘namica addu latu i Sicania
Un v’affrittati, ‘un è di Catania
Anticchia cchiù a Nord, ‘un è Taormina
Acchianati ancora… è di Messina

Idda è ‘n’ artista, ci piaci pittari
E i poesii assai declamari
Si runa da fari pi la so città
Lotta pù giustu e politica fà

Organizza li festi, un avi mai abbentu
‘nto sò portali c’è sempri un cummentu
Parla cu tutti, di tuttu s’intenti
Avi cultura chi piramenti

È tantu gintili e mi fà i complimenti
Puru si sapi chi jò un sacciu nenti
Mi piaci sulu scriviri ‘nrima
Pi nun mi sentiri troppu cretina

Ma idda m’ammira, mi trova grintusa
E cu unnici lustri, na‘ bedda carusa
Mi fici ‘namica addu latu ddo mari
A Canusciti? È Flavia Vizzari


Wi, 29/10/10


Cara Flavia e caro Giò, avendo capito che domani sarete insieme a Palermo vi auguro... buona riuscita nel vostro intento e oltrechè... buon divertimento!!!



Ciao ciao

Ciaoooo , ti è arrivata la Comunicazione per l'Assemblea generale ASAS? Puoi scaricarla anche da qui: http://associazioneasas.jimdo.com/comunicazioni/ ! Fammi sapere. Flavia