3 versi x uno, in siciliano.

**Admin** Mer 11 Mar 2009 - 7:58

Proviamo a creare tre versi di una lirica e poi lasciare al prossimo forumista la possibilità di continuare sullo stesso tema ... vediamo un po' che succede?...

iniziamo con il ... "IL MARE"

LU MARI

Lu mari cu li so' unni risplinnenti
mi 'ntrasi dintr'a l'anima 'nta nenti
lu suli ca mi varda di luntanu

**Antonino Magrì** Mer 18 Mar 2009 - 14:39

'nsemi a lu ventu pigghia la me' manu
e mi porta a sunnari arcubaleni
'nta lochi d'incantevuli prusceni

**Flavia Vizzari** Gio 19 Mar 2009 - 9:11

di luntanu appari mistiriusu
unni l'orizzunti si stucca 'nto 'n surrisu
e un palummu vula 'nta lu celu

**Giuseppe Sammartano** Ven 20 Mar 2009 - 19:39

scurdànnusi lu tempu di lu jelu:
abbola nto caluri da jurnata
circannu la so bedda 'nnamurata.

**Rosetta Di Bella** Sab 21 Mar 2009 - 15:03

Ogn'unna jucalora è 'n suspiru
ca junci a riva pi si l'abbrazzari
spumiannu du paroli: amuri e mari.

**Giuseppe Sammartano** Sab 21 Mar 2009 - 17:07

Facènnumi di l'unna traspurtari,
ca chianu chianu a ripa mi purtava,
fra i duci noti di lu so fraari.

**Admin** Dom 22 Mar 2009 - 1:32

LU MARI

Lu mari cu li so' unni risplinnenti
mi 'ntrasi dintr'a l'anima 'nta nenti

lu suli ca mi varda di luntanu
'nsemi a lu ventu pigghia la me' manu

e mi porta a sunnari arcubaleni
'nta lochi d'incantevuli prusceni

di luntanu appari mistiriusu
unni l'orizzunti si stucca 'nto 'n surrisu

e un palummu vula 'nta lu celu
scurdànnusi lu tempu di lu jelu

abbola ‘nto caluri da jurnata
circannu la so bedda 'nnamurata.

Ogn'unna junci a riva pi si l'abbrazzari
spumiannu du paroli: amuri e mari.

Facènnumi di l'unna traspurtari,
fra li duci noti di lu so’ fraari

3 versi x uno, in siciliano. 72666

**Armando Carruba** Dom 22 Mar 2009 - 14:58

na picciotta penza 'o sò amuri
comu scogghiu muzzicatu ddò mari

accussì è riduttu 'u sò cori
chianci 'stu distinu ca fu crudeli

**francesco leone** Mer 25 Mar 2009 - 18:04

Arristaru du' versi, li terzini:
si nn'addunaru puru li delfini,

chi dulurusi misiru a circari
li versi annijati nta lu mari... Laughing

**Flavia Vizzari** Gio 26 Mar 2009 - 18:59

già infatti, conviene iniziare con un nuovo tema...

**francesco leone** Gio 26 Mar 2009 - 21:19

Come altro tema propongo "LA MUSA", e comincio con la seguente terzina:

Cu' l'ha vistu passari la me Musa?
Di tantu tempu mi scappau di casa
e ora mi sentu la testa cunfusa...

**Armando Carruba** Ven 27 Mar 2009 - 10:06

L'haju vista ccà, 'nta mé Sarausa
taliari lu suli ca lu mari vasa
ti stanu circannu, ci dissi, scusa

**Giuseppe Sammartano** Ven 27 Mar 2009 - 11:15

E Idda cu la vucca di cirasa:
"mi sentu tristi, dissi, e assai dilusa
chi poca genti oggi a mia s'accasa."

**francesco leone** Ven 27 Mar 2009 - 11:48

**giò** Ven 27 Mar 2009 - 15:00

A ccu si senti la testa cunfusa
grapissi li finestri di la casa
pirchisennò l'aria ci 'mbinci 'nchiusa
.
po' dumannassi o' munnu: "Chi, c'è ccosa?"
e st'aria di Sicilia, senza offisa,
smovi ogni musa e la rimenti a dosa.

Embarassed

Evvabbè, su' tri versi pi dui, e no pi unu.
Ma è lu primu, stu messaggiu miu, e pozzu sempri diri ca la prima vota è sempri probblematica Very Happy

.
Salutamu e bbaciamo le mani

**francesco leone** Ven 27 Mar 2009 - 15:21

LA PRIMA VOTA E' SEMPRI PROBBLEMATICA;
MA LA ME MUSA E' VECCHIA E SMALIZZIATA,
CHI' CU LU TEMPU E' ADDIVINTATA PRATICA. Basketball

**giò** Ven 27 Mar 2009 - 15:36

Ma è sempri musa ed è perciò simpàtica
ca, smaliziata, ad ogni camurrìa
ti la risolvi e ti la menti in pràtica.
3 versi x uno, in siciliano. 78942

**giò** Ven 27 Mar 2009 - 15:46

e iu mi la disìu praticunazza
ca la spratica nun mi smovi pezza
e li jurnati tutti mi li strazza

**Armando Carruba** Ven 27 Mar 2009 - 16:10

ma pirchì sempri a mia cumpari
e 'i sillabi mi fai cuntari...
nun lu sai ca haju 'u chiffari?

**Giuseppe Sammartano** Ven 27 Mar 2009 - 16:18

Onuri dugnu sempri a lu LIUNI,
ca la so Musa è ancora in picciuttanza
e duna punti a cu' è cchiù tistuni.
L'età non è la sula causanza,
non è ppi chista sìmplici ragiuni
ca Estru cchiù ci nn'àvi e cchiù nn'avanza.
A li Pueti chi ànnu la simenza
nuatri ci facemu a rivirenza.

**giò** Ven 27 Mar 2009 - 16:20

caru cumpari, ti l'ha disiari
ca cu ciàvi chiffari 'u po' capiri
quantu è dduci cuntari a sillabbari

poscrittu scusatoriu:
iu, 'ntrasuto nella cumparanza di ribùffito, me ne scuso tantassà, ma di nèsciri nun si ni parla propriu.

**giò** Ven 27 Mar 2009 - 16:34

èccula ccà, la rivirenza mia,
e ti ci junciu pi prosopopèa
l'abbrazzu a stu Liuni e a so' valìa.
3 versi x uno, in siciliano. 78942

**francesco leone** Ven 27 Mar 2009 - 18:59

Dopo la terzina di giò delle 3,36 p.m. di oggi avevo dato una risposta, che ho regolarmente controllato. Come mai non compare più nel forum? Qualcuno l'ha cancellato? Come e perché?

La terzina era un richiamo alla correttezza delle rime:

<Sta attentu: "pratica" è palora mia.
La rima fora l'ha' jiri a circari.
Ora ti dugnu st'autra firnicìa>.

Dopo ho visto collocati altri versi, ma non tutti rispettano il sistema delle terzine. Così il gioco non va! Mad

**giò** Ven 27 Mar 2009 - 19:16

Si ca la cercu fora, scusa assai,

ma bedda era sta "pratica" (e di cui)

e pi sta vota mi n’approfittai

.

e grazi puru pi la firnicìa

ca, sempri bedda, è puru e sempri tua

ma attentu tu, pirchì la dasti a mmìa.

3 versi x uno, in siciliano. 78942

**francesco leone** Ven 27 Mar 2009 - 19:54

ATTENTU STAIU! CU' è CHI M'AMMINTUA
MI VOLI BENI O MALI, CU LU SAPI?
MEGGHIU, PI SI' E PI NO, PIGGHIU LA FUA...

Contenuto sponsorizzato

3 versi x uno, in siciliano.

3 versi x uno, in siciliano.

Re: 3 versi x uno, in siciliano.

Re: 3 versi x uno, in siciliano.

Re: 3 versi x uno, in siciliano.

Re: 3 versi x uno, in siciliano.

Re: 3 versi x uno, in siciliano.

Re: 3 versi x uno, in siciliano.

Re: 3 versi x uno, in siciliano.

Continuazione

Re: 3 versi x uno, in siciliano.

3 versi x uno, in siciliano

Re: 3 versi x uno, in siciliano.

Re: 3 versi x uno, in siciliano.

R.

Re: 3 versi x uno, in siciliano.

3 versi x uno

Re: 3 versi x uno, in siciliano.

Re: 3 versi x uno, in siciliano.

Re: 3 versi x uno, in siciliano.

Re: 3 versi x uno, in siciliano.

Re: 3 versi x uno, in siciliano.

Re: 3 versi x uno, in siciliano.

3x1

Re: 3 versi x uno, in siciliano.

3X1

Re: 3 versi x uno, in siciliano.

Lun	Mar	Mer	Gio	Ven	Sab	Dom
1	2	3	4	5	6	7
8	9	10	11	12	13	14
15	16	17	18	19	20	21
22	23	24	25	26	27	28
29	30