Giovanni Meli

Prosita veru all'idea! pirmittiti ca cuminciu ju? (chi tace acconsente) e ppi ririri anticchia prisentu 'u pueti dde' pueti siciliani Giuvanni Meli.

LI SURCI

Un surciteddu d testa sbintata
avia pigghiatu la via i l'acitu
e faceva 'na vita scialacquata
cu l'amicuni di lu sò partitu (1).

Lu ziu circava tirarlu a bona strata,
ma zappau all'acqua, pirchì era attrivitu, (2)
e di cchiù la saìmi avia liccata (3)
di taverni e di zàgati (4) peritu. (5)

Finalmenti mucidda fici luca; (6)
eddu grida: Ziu ziu, - ccu dògghia interna;
so ziu pi lu rammaricu si suca; (7)

poi dici: "Lu to casu mi custerna;
ma ora cchi cerchi? chiaccu chi t'affuca!
Scutta pi quannu jisti a la taverna!"

GIOVANNI MELI

(1) combriccola; (2) temerario; (3) gli piaceva; (4) Zàgatu è putjjia, ma in generale, ppi zàgatu s'intende confusione - un trasi e nesci cuntinuu, comu 'na pitjia; (5) pratico; (6) 'a jatta fici raffa; (7) si suca 'u ciatu ... trattiene il respiro.

Ecco, per commento intendevo dar qualche spegazione a qualche parola o frase che non sempre in dialetto è comprensibile anche agli stessi addetti ai lavori.
Si sbagghiai chiedo scusa, un saluto generale naturalmente.

Armando ('u sarausanu)