giurnali letterariu scientificu d'attualità nustrana

giò ha scritto:Dumanna sicca sicca e babba babba:
ma pirchì, nui ca assicutamu la parrata sicula, nun azziccamu a dari l'esempiu e pruvamu chi significa sta sprumentazioni?
E allura, pi cu vo', m'arrispunnissi in sicilianu (ca si po' scriviri 'nsicilianu o 'n sicilianu, ntiressa ma finu a 'ncertu puntu).
Ma n'àssima sfurzari, sempri nui, di nun fari comu a Di Giovanni ca, fora di Cianciana, nuddu lu capiva, e di assicutari Sarbaturi Camilleri nta li cuncetti di massima, pirchì (pueti sì ma scimuniti no) ntirissa suprattuttu a ccu scrivi, fàrisi capiri di quantacchiù genti possibbili (e lu scrivu cu du' "bbi", possibbili, e mi scusu cu Turi, ma pi mmia, lu "putenti e formidàbbili" di Miciu Tempiu mi pari simtaticunazzu tantuchiossà).
E pirchì allura, dumanna ca assicuta dumanna, nun facemu, nta tutti li forum e nta tutti li blog (e mprimis mprimis, nta chistuccà) un giurnali letterariu scientificu d'attualità nustrana, furzusu e tassativu di lingua sicula, unna damu l'avvisu di tuttu chiddu ca ni capitìa e ni furrìa nta li siculi cirividdotichirìi?
Un giurnali ca si putissi puru stampari?
Si lu sicilianu nun avi futuru, nui purtamulu a prisenti, stu passatu.
Pirchì pozza, sta salvaguardia di l'arritrè, fari stagghiu a la nostra scecificazioni identitaria.
E cca, nun m'arresta ca nchiùdiri cu lu miu preziusissimu:
a la facciazza di ddu disgraziatissimu di Garibbardu.